Skip to main content

Бизнесийн мөчлөгийн хэмжилт (Prescott, 1986)

Бодит бизнесийн мөчлөгийн онолынхон технологийн шокийг бизнесийн мөчлөгийн гол шалтгаан хэмээн үздэг. Тиймээс мөчлөгийн судалгааны эн тэргүүний асуудал бол тэлэлт болон хумилтыг тодорхойлох, технологийн дэвшлийг хэмжих юм. Прескотт 1986 оны ажилдаа бизнесийн мөчлөгийн онцлогийг тодорхойлж, өсөлтийн загвар, өргөтгөлүүдийн хувьд техник судалгаа, статистик шинжилгээнүүдийг хийн улмаар технологийн шокийг Солоугийн үлдэгдлээр хэмжих боломжтойг харуулсан. Учир нь Солоугийн үлдэгдэлд нийт үйлдвэрлэлийг хөдөлмөр болон капиталын тайлбарлаж чадахгүй байгаа хэсэг багтдаг.
Edward К.Prescott
(1940-  )
Түүний судалгааны үр дүнд технологийн дэвшил бол хандлага бүхий санамсаргүй хэмжигдэхүүн. Гарцын хэлбэлзэл нь ажил эрхлэлт болон технологийн шокоос хамаардаг. Мөчлөгийн загваруудын тайлбарлах чадварыг нэмэгдүүлэхийн тулд хугацааны цувааны онцлогуудыг зөв тодорхойлох хэрэгтэй. Иймээс мөчлөгийн зөв арга зүй, хэмжилт хийх арга техник шаардлагатайг зөвлөсөн. Энэ нь мөчлөгийн судлаачид гарцын хэлбэлзлээс илүү технологийн дэвшилд нөлөөлөх хүчин зүйлс анхаарлаа хандуулах боломжийг олгоно. Прескоттын уг судалгаа нь мөчлөгийн техник шинжилгээ ялангуяа мөчлөгийг ялгах судалгаа хөгжих үндэс болсон. Тухайлбал бизнесийн мөчлөгийн судалгааны чухал асуудлуудын нэг болох дотоодын нийт бүтээгдэхүүнийг тренд болон мөчлөгт задлах.
Мөчлөгийг ялган авахдаа нэгдүгээрт өгөгдлөөс трендийн салгах хэрэгтэй. Хамгийн өргөн ашиглагдаг арга бол шүүлтүүрийн арга (Hodrick, Prescott; band pass & Kalman).  Ходрик, Прескотийн шүүлтүүр yt  буюу хугацааны цуваа нь мөчлөг, ytc болон өсөлтийн, ytg, бүрэлдэхүүн хэсгээс бүрддэг ба доорх минимумчлах бодлогын шийдээр тодорхойлогдоно.
Энд λ нь өсөлтийн бүрэлдэхүүний мөчлөгийн бүрэлдэхүүн дах харьцангуй хэлбэлзлийг илэрхийлнэ. Бодит бизнесийн мөчлөгийн ихэнх ажлууд уг аргаар мөчлөгийг ялгасан өгөгдлийг ашигладаг. Мөн мөчлөгийг ялган үзүүлэлтүүд хоорондын харилцан хамаарлыг судалж тогтсон баримтуудыг гарган авдаг билээ.

ЭХ СУРВАЛЖ:
Christiano, & Fitzgerald. (1999). The Band Pass Filter. Bank of Cleveland working paper.
Prescott, E. (1986). Theory ahead of business cycle measurement. Federal Reserve Bank of Minneapolis Quarterly Review, pp. 9–22.
Баасансүрэн, О. (2013). Бодит бизнесийн мөчлөгийн бенчмарк загварын зарим өргөтгөлийн судалгаа. СЭЗДС.



Өмнөх холбоос>Макроэкономиксийн хугацааны цувааны хандлага ба санамсаргүй тэнүүчлэл
Labels:

Comments

Post a Comment

Popular posts from this blog

Бодит бизнесийн мөчлөгийн судалгаа: Хөрөнгийн үнийн өөрчлөлт

Сержио Ребелогийн 2005 оны судалгааны ажилд мөчлөгийн судалгаанд бодит бизнесийн мөчлөгийн хандлагын оруулсан хувь нэмэр, гол шүүмжлэл, сорилтууд сүүлийн үеийн хандлагыг тоймлосон. Ребелогийн үзэж буйгаар бодит бизнесийн мөчлөгийн судалгаа анх дэлгэрч байх үед үндсэн 2 сорилттой тулгарсан. Эхний гол сорилт нь хөрөнгийн үнийг тайлбарлах байв.  Хөрөнгийн үнийн өөрчлөлт Бодит бизнесийн мөчлөгийн загварууд бодит макро тоон үзүүлэлтүүдийг маш гайхалтайгаар дууриаж чаддаг ( Барьж байгуулах хугацаа, 1982 ) . Гэвч 1985 оны Мехра болон Прескотт нарын ажлаар Бодит Бизнесийн Мөчлөгийн загварууд хөрөнгийн үнийг тайлбарлаж чадахгүй байгаа нь харагдсан. Энэ нь нэг талаасаа нийтлэг тавил бүхий ханамжийн функцээс хамааралтай. Ханамжийн функцийн тавил нь бонд ( эрсдэлгүй өгөөжтэй ) болон үнэт цаасны дундаж өгөөжийн зөрүүг тайлбарлаж чадахааргүй байсан. Учир нь Мехра болон Прескотт нарын загварын үр дүнгээс ( 1889-1978 оны хооронд ) үнэт цаасны дундаж өгөөж нь хэт өндөр, эрсдэлгүй өгөөжи...
1 comment
Read more

Socio-economic development of Central Asian post Soviet countries and Soviet satellite state

  Kazakhstan, Kyrgyzstan, Tajikistan, Turkmenistan, and Uzbekistan are former Soviet states, and Mongolia was a Soviet satellite state. A t the beginning of the 1990s, these Central Asian countries declared independence from direct and indirect influence from Russia. They started from relatively similar social and economic conditions. This article will try to illustrate what has happened to socio-economics indicators since independence. Mineral rents (% of GDP) : Mineral rents are the difference between the value of production for a stock of minerals at world prices and their total costs of production. Minerals included in the calculation are tin, gold, lead, zinc, iron, copper, nickel, silver, bauxite, and phosphate. Net ODA received (% of GNI) : Net official development assistance (ODA) consists of disbursements of loans made on concessional terms (net of repayments of principal) and grants by official agencies of the members of the Development Assistance Committee (DAC), by mul...
Post a Comment
Read more

Солоугийн загвар

Энгийн нэгэн цагаачлагч гэр бүлийн удам, дайчин цэрэг эр, нобелийн шагналын эзэн (1987), эдийн засгийн өсөлтийн онолын гол төлөөлөгч, бардам ихэмсэг мөн агуа нэгэн бол Роберт Солоу билээ. 1957, 1970 он бол түүний өсөлтийн онолын тулгуур бүтээлүүдийг туурвисан хугацаа юм. Солоугийн загвар нь нэлээн энгийн, үйлдвэрлэлийн тогтмол үр өгөөжтэй, капиталын өөрчлөлтийн хууль, хадгаламжийн түвшин байдаг. Тэнцвэрийн нөхцөлд хөрөнгө оруулалт хадгаламжийн түвшинтэй тэнцэнэ. Загварын салшгүй нэг зүйл бол үйлдвэрлэлийн функц юм. Үйлдвэрлэл нь капиталын нөөц, хөдөлмөрийн нөөцийг ашиглах бөгөөд мөн технологийн түвшинг харуулсан A хэмээн коэффициентээс бүрдэнэ. Хожим энэ технологийн коэффициентийг санамсаргүй хэлбэлзэгч хүчин зүйлийг нэмж эдийн засгийн агуулгыг өргөжүүлснээр ихээхэн маргаан, хөгжил дэвшлийг (Бодит Бизнесийн Мөчлөгийн Онол) авчирсан билээ. Нэг хүнд оногдох хэмээх үзүүлэлтээр харуулсан нь тун эерэг нөлөөтэй бас ач холбогдолтой болж чадсан. Нэг талаасаа хүн бүрийн эрх ашгийг авч үзэж...
Post a Comment
Read more